زیروه ده،داغدا ساخلار 
قورو چؤل،باغدا ساخلار
دونیادا بیر انسانی
سئوگی آیاغدا ساخلار

سوروشدو بیر نفر کی پول قازانماق
نَه‌لر ایستیر ؟ گوج ایستیر؟ ثروت ایستیر؟
دئدیم کی: ایشله مَک ،مال، پول قازانماق 
گؤزل قارداش!گؤت ایستیر،غیرت ایستیر
Soruşdu bir nəfər ki pul qazanmaq
Nələr istir? Güc istir? Sərvət istir?
Dedim ki işləmək,mal,pul qazanmaq
Gözəl qardaş! Göt istir,qeyrət istir

باتمیشدیم بیر باتلاغا
دوشموشدوم بیر دوستاغا
سنی سئودیم ،باشلادیم
یئنی دن یاشاماغا

حسن پلنگ ایله داوود پیشک عسگرلیغا گئدیب زنگان شهرینه دوشموشدولار
ایلک گون پادگاندا صف باغلاییب، پادگان باشقانی گلیب از جلو نظام وئریب اوجا سَسله دئدی : 
پادگان درود ! 
حسن پلنگ کی فارسجا بیلمیردی داوود پیشیکه اوز دؤندریب ،سوروشدو : 
داوود ،او نمنه دئدی : 
داوود : دئییر پادگان دوروب ! 
حسن پلنگ بونو ائشیدنده سَسین باشینا آلیب، اوجا سَسله دئدی : بلی سرکار دوروب!

حاجی قربان داششاق دردی توتوب،اؤلمَک حالینا دوشموشدو.کندلیلرینی ائوینه ییغیشدیریب،حلالیت آلماق ایسته دی .

مشه یعقوب دئدی : بیرگؤن یوکوم ائششگیمدن دوشموشدو،سن کئچیردین، دئدیم : گل کؤمَک ائیله. داششاغینا سایمادین،کئچدین.
یوکومو تک باشینا قوزادیم، داششاغیم پارتلادی.او گؤن سنی بَتَر قارغیش ائیله ییب ،دئدیم : بارالها بونا بیر داششاق دردی وئر کی امانینی قیرسین...آمما ایندی سَنی باغیشلادیم.

دَلی حسن دئدی: بیرگؤن کدخدا ایله سو اوستونده ساواشیردیم،سَن منیم طایفام ایدین دئدیم گل کؤمَک چیخ.داششاق سیزلیغدان قورخوب ،بیر آی گیزلندین،او گؤن آللاهدان ایسته دیم کی سنین کیمین داششاق سیز آدامی یئر یوزوندن گوتورسون...آمما ایندی سَنی باغیشلادیم.

حسین تویوق دئدی : من آمما سَنی هئچ باغیشلامام .بیر گون توی مجلسینده سَنه گؤلدوم،قاییدیب خالق ایچینده اوجاق سَسله مَنه دئدین :  داششاق ! کؤپگ اوغلو !
او گؤندن هر کیم منی کوچه ده گؤردو مَنه داششاق دئدی ،دی یَه سَن آدیمی داششاق قویوبلار..یا تانری مَنی داششاق یارادیب...او گؤندن لاپ اؤزومو ایتیرمیشم

انسانی درده سالار
ایلان تک سیزی چالار
شاد اولمایان اورکده
آجی نین ایزی قالار
insani dərdə salar
ilantek sizi çalar
şad olmayan ürəkdə
acinin izi qalar

آدام نه دیر ؟ اودون دور
بیر ساللاقلیق قویون دور
داوام سیز زندگانلیق
بیر مسخره اویون دور
adam nədir odundur
bir sallaqliq qoyundur
davamsiz zendəganliq
bir məsxərə oyundur

الیندن قاچار گئدر
ایشیق تک ساچار گئدر
گنجلیک بیر بالا قوشدور
توتماسان اوچار گئدر
əlindən qaçar gedər
işiq tək saçar gedər
genclik bir bala quşdur
tutmasan uçar gedər

اوره ییم لیمانین دیر
گؤزلریم حیرانین دیر
دونیانین گؤزل یئری
سنین قلبین،یانین دیر
ürəyim limanindir
gözlərim heyranindir
dünyanin gözəl yeri
sənin qəlbin,yanindir

اوزاق یوخ،یانیمدادیر
قلبیمده،قانیمدادیر
جانیمی یاخانلارین
هامیسی جانیمدادیر
uzaq yox,yanimdadir
qəlbimdə,qanimdadir
canimi yaxanlarin
hamisi canimdadir